آچلدی قانلی پرچم کربلاده

آچیلدی قانلی پرچم کربلاده
اولیدوق هر محرم کربلاده

اولوب صادر بو فرمان جبرئیله
بهشته قاره چکسون ئوز الیله
فرات ایلر تفاخر سلسبیله
مناده بو خبر چاتدی خلیله
اولا هاجرله با هم کربلاده

آچیلدی عرشده صد پاره کوینک
نه کوینک دوت مین اوخدان پاره کوینک
قویان یوسف لری آواره کوینک
پیمبرلر گیوبلر قاره کوینک
گزر حوا و آدم کربلاده

خانم هاجرله اسماعیل مذبوح
خلیلین ذکری یا قدوس و سبوح
دیلینده نوحه شیخ الانبیا نوح
ائدر ناله حسینه صف به صف روح
معزا و مصمم کربلاده

ملائک فوج فوج الده قراسی
اویان حوریه لر غرق عزادی
بویان اوصیادی اولیادی
سمینار بزرگ انبیادی
گزر عیسی بن مریم کربلاده

دوتوب ئوز قانلی باشین الده یحیا
دوروب مقتلده سسلر وا حسینا
هلال ماه غم گورسندی گویا
حسینین یاسینه عالم محیا
اساس غم فراهم کربلاده

محرم گلدی ماتم تازه لندی
یره گوگدن غبار غم الندی
باغا داغدان دومان توکدی چمندی
خبردار ایلیون هر دردمندی
که وار هر درده مرهم کربلاده

گئنه مظلومین عاشوراسی گلدی
یزیدین مجلس شوراسی گلدی
حسینون قتلنون فرمانی گلدی
اوغول وای سسلنن زهراسی گلدی
نبی سلو و سلم کربلاده

کربلایی ولی پیری