آلماسین الله اورکلردن هدایت نورینی

پخش آنلاین

  • آلماسین الله اورکلردن هدایت نورینی
    94 بار شنیده شده

آلماسین الله اورکلردن هدایت نورینی

توسط: حامد سلیمان پور

949 بازدید

1393/6/19

ساعت:14:23

images 2

 

آلماسین الله اورک لردن هدایت نورونی

قلبلرده ایلسون افزون ولایت نورونی

نوح تک عمرون اولا راه عبادتده هدر

ایلده بیر یول مکیه گئتسن قیودسن سن اگر

مین فقیره اطعام گر ایلسن شام و سحر

اولماسا قلبونده گر نور ولایتدن اثر

مطمئن اول ایلیوبسن راه معناده ضرر

------------------

بی ولایت سن نفس چکسن اگر بیر ثانیه

یول وئرورسن قلب اوینده دشمن و بیگانیه

سندن اصلا فرقی اولماز زاده مرجانیه

واردی بیر محکم حدیث بو بارده ای باوقار

دین ولایت پایه سین اوسته اولوبدی استوار

---------------

روشن اولسا هر کیمین قلبینده گر نور جلی

نور ایمان و ولایت نور اولاد علی

لحظه بر لحظه اولار نور هدایت منجلی

بو قدر دوشمز لکه آئینه تک وجدانلارا

گوردوقی ایشلر بوتون الگو اولار انسانلارا

-------------

اجنبی قرآن سوزوندن استفاده ایلیور

آسمانه یول تاپور سّر سماءدن سویلیور

بو مسلمانلار همان قرآنیله گور نینیور

طاقچالاردا حبس اولوب قرآن اورکلر داغلانور

بو دلیله بیزلره راه سعادت باغلانور

---------------------------

بیزلره قرآن ره علم و هدایت گورسدور

راه ایثار و مودت هم سعادت گورسدور

صدق گفتار و عمل حفظ امانت گورسدور

سوره سی هر آیه سی شمع هدایتدور بیزه

گر عمل دستورینه ائتساق سعادتدور بیزه

--------------------------

یوم اکملت و لکم دین آیه سین ائتسن مرور

بیرده اعطمت علیکم نعمتون ای باشعور

درک ائدرسن که نه فرمایش ائدوب حیّ غفور

شکر نعمت ایلیون کفران نعمت ائتمسن

گر زمینه اولسا آماده فساده گئنمسن

--------------------------

بیزلره قویدی امانت حضرت خیرالانام

عترت و قرآنی تا واردور بو دنیاده دوام

بیر بیریندن آیری دوشمز عترت و قرآن مدام

عترت و قرآنی هر کیمسه گر الدن وئره

مستحق دور هر بلایه جانب حقدن گله

--------------------------

ای مسلمان گویما سن یتسون خلل ایمانوه

بیر گئجه ایله رجوع ئوز عقلوه وجدانوه

گور عمل ایلورسن آیا عهدوه پیمانوه

پیرو قرآن اولان گور شبهلی لقمه ییر

دینی قارداشین دالینجا غیبت و بهتان دییر

--------------------------

هر کیمین قرآن کتابی اولسا طغیان ایلمز

پیروی از نفس بد فرجام و شیطان ایلمز

خانه حجب و حیا و دینی ویران ایلمز

محترم دوتسا هر آئینه شرف قاموسنی

بی حجاب قویماز چخا ائودن چوله ناموسنی

--------------------------

ساده سانماز بو بویکلوقدا نمایان مطلبی

ئورگدر ناموسنه حفظ حجاب و مکتبی

گورسدر الگو اونا خیر النساء و زینبی

زینب و زهرادی الگوی زنان هر زمان

کیمدی زهرا مکتب حجب و حیاده قهرمان

--------------------------

پیرو زهرا هایاندا گونده یوز جلده دوشر

کشتی حجب و حیاسیی دائما گِلده دوشر

یوز قیافه یوز مدا یوز صورته گونده دوشر

آبروی شوهریله اوینیا صبح و مسا

زینت زن دور حجاب و عفت و شرم و حیا

--------------------------

پیرو زهرا گئدر زهرا یولون بو دهریده

عفته الگو اولار هر عصرده هر شهرده

حفظ ائدر ایمانی گر قالسا خروشان بحریده

غیر شوهر بیر کسه آرایش ائتمز ئوز گوزون

مرد نامحرم اشیتمز کلمه ای حتی سوزون

--------------------------

مخفی اما ائدردی فاطمه سیماسنی

راضی اولمازدی بیری گورسون رخ زیباسنی

درک ائده بلمز بشر شخصیت والاسنی

دائما ام ابیها سسلنردی دختره

دوقوز ایل همسر اولوب شیر خدایه فاطمه           

راضی اولدی آز چوخا امر قضایه فاطمه

ائتمدی بیر دفعه مولادن گلایه فاطمه

سائله وئردی غذاسون گل عذاری گولمدی

چوخ گئجه صبحه کمین آج یاتدی بیر کس بولمدی

گویمادی بیر دفعه ائتسن سائل اوندان گله

کهنه چادر باشه سالدی تازه سین وردی صله

طوی لباسن طوی گونی بذل اوتدی حتی سائله

شیرین ائتدی هر کسون آغزندا دنیا قندنی

سائله بذل ایلدی قیمتلی گردنبندنی

چون وفات ائتدی پیمبر دردین هچ کس بولمدی

آغلادی صبح و مسا بیر دفعه زهرا گولمدی

گوزیاشین بیر کس رضای حقه خاطر سیلمدی

گردش ایامدن از بس خانم اوتدی گله

ناله سی آخر اونون شهر اهلنی گتدی دیله

محضر شیر خدایه گلدی شهر اهلی مدام

ائتدیلر خواهش علیدن بیر به بیر گیزلین تمام

سویله زهرای بتوله ای شه والا مقام

یا گوندوز لر فرقت طاهاده سینه داغلاسون

یا گئجه صبحه کمین منزلده سن سیز آغلاسون

چون یتردی بو سوزی زهرایه شاه لافتی

اللرین گوتدی دعایه ایلدی بیردن دعا

الله الله ایله زهرانی بو دنیادن رها

مانعم بو شهرین اهلی آهنین دل داغلیام

ئوز اویمده قونشولار قویمولا حتی آغلیام

...

مداح : کربلایی ولی پیری

تفسیر روز

سوره بقره آیه 254-251

1402/7/20

تفسیر قطره ای قرآن

فَهَزَمُوهُمْ بِإِذْنِ اللَّهِ وَقَتَلَ دَاوُودُ جَالُوتَ وَآتَاهُ اللَّهُ الْمُلْكَ وَالْحِكْمَةَ وَعَلَّمَهُ مِمَّا يَشَاءُ وَلَوْلَا دَفْعُ اللَّهِ النَّاسَ بَعْضَهُمْ بِبَعْضٍ لَفَسَدَتِ الْأَرْضُ وَلَكِنَّ اللَّهَ ذُو فَضْلٍ عَلَى الْعَالَمِينَ ﴿۲۵۱﴾ ترجمه : پس آنان را به اذن خدا شكست دادند و...


282 بازدید

حدیث روز

اُوصیکُمْ بِتَقْوَی اللّه و اِدامَةِ التَّفَکُّرِ، فَاِنَّ التَّفَکُّرَ اَبُو کُلِّ خَیْرٍ وَ اُمُّهُ؛


شما [شیعیانم] را به پروا پیشگی و اندیشیدن دائم سفارش می کنم؛ زیرا تفکّر پدر و مادر [و ریشه و اساس] تمامی خوبی ها است.

امام حسن مجتبی (علیه السلام)

قاسمیه در شبکه های اجتماعی