لا لایی جبرییل به امام-حسین(ع)

آغلاما ای گل گلزار محن    آغلاما ای یوزی گل زلفی سمن

آغلاما ای قوری یرلرده اُلن     ای قالان پیکری بی غسل و کفن

اِنَّ فی الجنّة نَهراً مِن لَبَن

لِعلیٍّ و حُسِین و حَسَن

جبرئیلم سنه بیر عبد ذلیل     گوندروبدور لله خلاق جلیل

آغلاما ای سو کنارینده قتیل    ای سوسوز باشی قفادن کسلن

اِنَّ فی الجنّة نَهراً مِن لَبَن

لِعلیٍّ و حُسِین و حَسَن

عترت پاک رسول مدنی   گوزی یاشلی گوره بلمزله سنی

آغلاسان آغلادوسان فاطمه نی    آغلاما آغلار او مخدومه من

اِنَّ فی الجنّة نَهراً مِن لَبَن

لِعلیٍّ و حُسِین و حَسَن

سن گلستان امامت گلوسن خانیمیم فاطمیه سوگلوسن

برجه گورسم دانوشورسان گلوسن  منده قالماز غم و اندوه و محن

اِنَّ فی الجنّة نَهراً مِن لَبَن

لِعلیٍّ و حُسِین و حَسَن

برای دانلود مداحی لای لایی جبرییل به امام حسین (ع) بر روی بارگذاری فایل پیوست کلیک نمایید.